நெகிரி செம்பிலான், 21 ஆகஸ்ட் 2026:
புத்தாக்கம் மற்றும் சமூக மேம்பாட்டுத் துறையில் செயல்பட்டு வரும் Pertubuhan Inovasi Cemerlang அமைப்பின் தலைவர் YBrs. Tuan G. Jaichandaran Gopala, நெகிரி செம்பிலான் மாநில இளைஞர் மற்றும் விளையாட்டுத் துறை ஆட்சிக்குழு உறுப்பினர் YB Dato’ Haji Mustapha Nagoor அவர்களை மரியாதை நிமித்தமாக சந்தித்தார்.
இந்த சந்திப்பு நெகிரி செம்பிலான் மாநில அரசின் நிர்வாக மையமான Wisma Negeriயில் நடைபெற்றது.
சந்திப்பின்போது, மாநில இளைஞர்களின் எதிர்கால வளர்ச்சி, விளையாட்டுத் துறையின் முன்னேற்றம், இளைஞர்களின் திறமைகளை அடையாளம் கண்டு அவர்களுக்கு உரிய வாய்ப்புகளை ஏற்படுத்துதல் உள்ளிட்ட பல்வேறு விடயங்கள் தொடர்பாக கலந்துரையாடப்பட்டதாக தெரிவிக்கப்பட்டது.
மேலும், புத்தாக்கம், திறன் மேம்பாடு, இளைஞர் பங்கேற்பு மற்றும் சமூக முன்னேற்றம் ஆகிய துறைகளில் அரசு மற்றும் சமூக அமைப்புகளுக்கு இடையிலான ஒத்துழைப்பை மேலும் வலுப்படுத்துவது குறித்தும் கருத்துக்கள் பரிமாறப்பட்டன.
இன்றைய இளைஞர்கள் கல்வி மற்றும் வேலைவாய்ப்புடன் மட்டுமன்றி, விளையாட்டு, தொழில்நுட்பம், புத்தாக்கம் மற்றும் தலைமைத்துவத் திறன்களிலும் முன்னேறுவதற்கான சூழலை உருவாக்குவது அவசியம் என சந்திப்பில் வலியுறுத்தப்பட்டது.
இளைஞர்களை சமூகத்தின் எதிர்கால தலைவர்களாக உருவாக்குவதற்கு அரசு, அரசு சாரா அமைப்புகள் மற்றும் சமூக அமைப்புகள் இணைந்து செயல்படுவதன் முக்கியத்துவமும் எடுத்துரைக்கப்பட்டது.
இந்த மரியாதை நிமித்தமான சந்திப்பு, நெகிரி செம்பிலான் மாநில இளைஞர்கள் மற்றும் விளையாட்டுத் துறையின் வளர்ச்சிக்கான புதிய வாய்ப்புகளை உருவாக்கும் வகையில் அமைந்துள்ளதாக எதிர்பார்க்கப்படுகிறது.
