கோலாலம்பூர் | 20 மே 2026
மலேசிய இந்திய வணிகத் துறையில் சிறப்பான தலைமைத்துவத்தையும் சமூகப் பொறுப்புணர்வையும் வெளிப்படுத்தி வரும் தொழிலதிபர் Datuk Gopal Krishna, 2026 ஆம் ஆண்டிற்கான “CEO of the Year” விருதைப் பெற்று சர்வதேச மட்டத்தில் புதிய மைல்கல்லை எட்டியுள்ளார்.
கோலாலம்பூரிலுள்ள Pullman Kuala Lumpur City Centre Hotel & Residences-இல் பிரம்மாண்டமாக நடைபெற்ற “Golden Globe Tiger Awards 2026” விருது வழங்கும் விழாவில் இந்த விருது அவருக்கு வழங்கப்பட்டது. பல்வேறு நாடுகளைச் சேர்ந்த தொழில் முனைவோர், நிறுவன தலைவர்கள், முதலீட்டாளர்கள் மற்றும் சமூக முன்னேற்ற செயற்பாட்டாளர்கள் கலந்து கொண்ட இந்நிகழ்ச்சி, ஆசியாவின் முக்கியமான வணிக அங்கீகார விழாக்களில் ஒன்றாகக் கருதப்படுகிறது.
தொழில்துறையில் முன்னேற்றமான நிர்வாகம், புதுமையான சிந்தனை, நிறுவன வளர்ச்சி மற்றும் மனிதநேயமான தலைமைத்துவம் ஆகியவற்றிற்காக Datuk Gopal Krishna இந்த உயரிய விருதிற்குத் தேர்வு செய்யப்பட்டதாக விழா ஏற்பாட்டாளர்கள் தெரிவித்தனர்.
விருதைப் பெற்ற பின்னர் ஊடகங்களிடம் பேசிய அவர்,
“இந்த அங்கீகாரம் என் தனிப்பட்ட சாதனையாக மட்டும் அல்ல. என்னுடன் இணைந்து tireless-ஆக உழைத்த என் குழுவினரின் அர்ப்பணிப்பு, என் குடும்பத்தின் உறுதியான ஆதரவு மற்றும் என்னை நம்பி பயணித்த அனைவரின் பங்களிப்பின் பிரதிபலிப்பாக இதை பார்க்கிறேன்,” என்று உணர்ச்சியுடன் தெரிவித்தார்.
மேலும் அவர் கூறுகையில்,
“இந்த விருது எனக்கு இன்னும் பெரிய பொறுப்பையும் ஊக்கத்தையும் அளிக்கிறது. எதிர்காலத்திலும் சிறந்த தலைமைத்துவம், தரமான சேவை மற்றும் சமூகத்திற்கு பயனளிக்கும் முயற்சிகளை தொடர்ந்து முன்னெடுக்க உறுதிபடுகிறேன்,” என்றார்.
Datuk Gopal Krishna-வின் இந்த சாதனை மலேசிய இந்திய சமூகத்திற்கும் இளம் தொழில் முனைவோருக்கும் பெருமை சேர்க்கும் வகையில் அமைந்துள்ளது. சமூக வலைதளங்களிலும் வணிக வட்டாரங்களிலும் அவருக்கு பாராட்டுகள் தொடர்ந்து குவிந்து வருகின்றன.
