ஜென்டிங் ஹைலண்ட்ஸ் சாலை கட்டணம் இன்று முதல் அமல்

26 மே 2026 | ஜென்டிங் ஹைலண்ட்ஸ்

ஜென்டிங் ஹைலண்ட்ஸ் சாலை கட்டணம் இன்று முதல் அமல்

கார்கள் RM5 – லாரிகள் RM25 வரை வசூல்; நிரந்தர குடியிருப்பாளர்களுக்கு சிறப்பு சலுகை

Genting Malaysia Berhad நிறுவனத்தின் கீழ் செயல்படும் ஜென்டிங் ஹைலண்ட்ஸ் தனியார் சாலையில் பயணம் செய்யும் வாகனங்களுக்கு இன்று (28 மே 2026) முதல் அதிகாரப்பூர்வமாக சாலை கட்டணம் அமல்படுத்தப்பட்டுள்ளது. இந்த வசூல் பணியை Lingkaran Cekap Sdn Bhd (LCSB) மேற்கொள்கிறது.

இந்த புதிய கட்டண முறை இரண்டு முக்கிய நுழைவு பகுதிகளில் நடைமுறைக்கு வந்துள்ளது. அவை:

• ஜென்டிங் செம்பா பகுதியில் உள்ள Genting Highlands Entry
• கோத்தோங் ஜெயா சுற்றுச்சாலை பகுதியில் உள்ள Gohtong Jaya Entry
• 

வாகன வகைப்படி கட்டண விவரம்

மோட்டார் சைக்கிள்கள், அவசர சேவை வாகனங்கள் மற்றும் ஜென்டிங் ஹைலண்ட்ஸ் அரசு நிறுவனங்களில் பணிபுரியும் அரசு ஊழியர்களின் தனியார் வாகனங்களுக்கு இந்த கட்டணத்தில் விலக்கு அளிக்கப்பட்டுள்ளது.

விலக்கு பெறும் அரசு நிறுவனங்கள்

கட்டண விலக்கு பெறும் அரசு அலுவலகங்கள் மற்றும் நிறுவனங்களின் பட்டியலில்:

• SK Sri Layang
• SMK Sri Layang
• Institut Aminuddin Baki
• Genting Highlands காவல் நிலையம்
• Gohtong Jaya காவல் நிலையம்
• Genting Highlands தீயணைப்பு மற்றும் மீட்பு நிலையம்
• Klinik Desa Sri Layang
• Genting Highlands மாவட்ட அலுவலகம்
• Bentong நில மற்றும் மாவட்ட அலுவலகம்
• Bentong மாநகராட்சி கிளை அலுவலகம்
• பஹாங் மாநில செயலாளர் அலுவலக கிளை

ஆகியவை இடம்பெற்றுள்ளன.

LCSB வெளியிட்ட தகவலின்படி, வகுப்பு 2, 3, 4 மற்றும் 5 வாகனங்கள் “Lorong Khas” எனப்படும் சிறப்பு பாதையை பயன்படுத்த வேண்டும் அல்லது Licence Plate Recognition (LPR) முறையின் மூலம் நுழைய வேண்டும்.

நிரந்தர குடியிருப்பாளர்களுக்கு சலுகை

ஜென்டிங் ஹைலண்ட்ஸ் நிரந்தர குடியிருப்பாளர்கள் இரண்டு வகுப்பு 1 வாகனங்கள் வரை பதிவு செய்து 10% குறைந்த கட்டண சலுகையை பெறலாம். மேலும், ஆறு மாத கால “Season Pass” திட்டத்தின் கீழ் வரம்பற்ற நுழைவு வசதியும் வழங்கப்படுகிறது.

இந்த திட்டத்தில் சேர விரும்புவோர் வாகன உரிமை சான்று, வீட்டு வாங்கல் ஒப்பந்தம் (SPA), நிலவரி ரசீது, மதிப்பீட்டு வரி ரசீது மற்றும் மின்சார கட்டண ரசீது உள்ளிட்ட ஆவணங்களை சமர்ப்பிக்க வேண்டும்.

பதிவு செய்யப்பட்ட குடியிருப்பு வாகனங்களுக்கு 28 ஜூன் 2026 வரை கட்டணம் வசூலிக்கப்படாது என அறிவிக்கப்பட்டுள்ளது.

ஏப்ரல் முதல் சோதனை இயக்கம்

இந்த கட்டண முறைமைக்கு முன்னதாக 2 ஏப்ரல் 2026 முதல் சோதனை இயக்கம் நடைபெற்றது. அப்போது வாகன ஓட்டிகள் Touch ‘n Go, டெபிட் அல்லது கிரெடிட் கார்டுகளை பயன்படுத்தி சோதனை அடிப்படையில் கட்டண வாயில்களை கடந்து சென்றாலும், எந்த கட்டணமும் வசூலிக்கப்படவில்லை.

“User Pays” கொள்கை – பாதுகாப்புக்கான முதலீடு

Genting Malaysia Berhad தரப்பில் வெளியிடப்பட்ட விளக்கத்தில், மலைப்பகுதி சாலைகளின் நீண்டகால பாதுகாப்பு மற்றும் பராமரிப்பை உறுதி செய்யும் நோக்கில் “பயன்படுத்துபவர் கட்டணம் செலுத்த வேண்டும்” என்ற கொள்கையின் அடிப்படையில் இந்த திட்டம் அறிமுகப்படுத்தப்பட்டதாக கூறப்பட்டுள்ளது.

சாலை மேற்பரப்பு புதுப்பிப்பு, சரிவு தடுப்பு பணிகள், நீரேற்ற வசதிகள், கண்காணிப்பு அமைப்புகள், நிலச்சரிவு மற்றும் கடும் வானிலை போன்ற அவசர நிலைகளுக்கு உடனடி நடவடிக்கை எடுப்பது போன்ற பராமரிப்பு பணிகளுக்கு இந்த வருவாய் பயன்படுத்தப்படும் எனவும் தெரிவிக்கப்பட்டுள்ளது.

மேலும், மலைப்பாங்கான நில அமைப்பு மற்றும் கடுமையான வானிலை காரணமாக தொடர்ச்சியான பராமரிப்பு இல்லையெனில் சாலை வேகமாக சேதமடையும் அபாயம் இருப்பதாகவும் நிறுவனம் எச்சரித்துள்ளது.

மேலும் தகவல்களுக்கு, Lingkaran Cekap Sdn Bhd அதிகாரப்பூர்வ இணையதளம்-ஐ பார்வையிடலாம்.