கோலாலம்பூர்: 24.10.2025
47வது ஆசியான் உச்சி மாநாட்டிற்கான தூதுக்குழுவினரின் போக்குவரத்து ஒத்திகை நேற்றிரவு சீராகவும் ஒழுங்காகவும் நடைபெற்றது.
இந்த ஒத்திகையானது, மதிப்புமிக்க இந்த மாநாட்டிற்கு முன்னதாக நாட்டின் பாதுகாப்புப் படைகளின் உயர் மட்ட தயார்நிலையை தெளிவாகக் காட்டுகிறது.
இரவு சுமார் 8.00 மணியளவில் தொடங்கிய இந்த ஒத்திகை, கோலாலம்பூர் சிட்டி சென்டர் (KLCC) சுற்றுவட்டாரத்தில் உள்ள பல முக்கிய இடங்களில் நடைபெற்றது.
இதில், மலேசிய அரச காவல் துறை (PDRM), மலேசிய ஆயுதப் படைகள் (ATM), மலேசிய சுகாதார அமைச்சு (KKM), மற்றும் மலேசிய தீயணைப்பு மற்றும் மீட்புத் துறை உட்பட 52 பாதுகாப்பு மற்றும் மூலோபாய முகவர் நிலையங்கள் ஈடுபட்டன.
