கோலாலம்பூர் / சிங்கப்பூர்:செப்டம்பர் 23. 2025
மருந்து கடத்தல் குற்றச்சாட்டில் சிக்கிய மலேசியர் தட்ஷினாமூர்த்தி கரடையா, சிங்கப்பூரில் தூக்கு தண்டனைக்கு உள்ளாகவிருக்கிறார்.
2011ஆம் ஆண்டு கைது செய்யப்பட்ட தட்ஷினாமூர்த்தி, 45 கிராம் ஹெராயின் கடத்தியதாக குற்றம் சாட்டப்பட்டார். நீண்ட காலமாக நீதிமன்றத்தில் தனது குற்றச்சாட்டுக்கு எதிராக போராடிய அவர், 2022ஆம் ஆண்டு தற்காலிக இடைநீக்கம் பெற்றிருந்தார். எனினும் சமீபத்திய தீர்ப்பின் பேரில் தூக்கு தண்டனை நிலைநிறுத்தப்பட்டது.
இந்த முடிவுக்கு மலேசிய அரசு, மனித உரிமை அமைப்புகள் மற்றும் பல்வேறு சமூக ஆர்வலர்கள் கடும் எதிர்ப்பு தெரிவித்துள்ளனர். தூக்கு தண்டனையை நிறுத்தி, அதற்கு பதிலாக நீண்டகால சிறைத் தண்டனை வழங்க வேண்டும் என அவர்கள் வலியுறுத்தி வருகின்றனர்.
மலேசிய அரசு கடந்த ஆண்டில் கட்டாய தூக்கு தண்டனையை சில வழக்குகளில் ரத்து செய்ய நடவடிக்கை எடுத்திருந்தாலும், சிங்கப்பூரில் மருந்து கடத்தல் குற்றச்சாட்டுக்கு எதிரான தண்டனைகள் இன்னும் கடுமையாகவே அமல்படுத்தப்படுகின்றன.
தட்ஷினாமூர்த்தியின் உயிர் பிழைப்புக்காக உள்ளூர் மற்றும் பன்னாட்டு அமைப்புகள் தொடர்ந்து அழுத்தம் கொடுத்து வருகின்றன.
📰 செய்தி: வீர சின்னையன்
