ஜாலான் மச்ஜித் இந்தியாவில் சிங்க் ஹோல் விபத்தில் உயிரிழந்த இந்திய நாட்டைச் சேர்ந்த மகளின் நினைவுநாள் தவசம் – மகன் சூர்யா அன்னதானம் வழங்கி அன்னை ஆவி அமைதிக்காக பிரார்த்தனை

கோலாலம்பூர்:
ஜாலான் மச்ஜித் இந்தியாவில் சிங்க் ஹோல் விபத்தில் உயிரிழந்த இந்திய நாட்டைச் சேர்ந்த விஜயலட்சுமி அவர்களின் முதல் ஆண்டு நினைவு தவசம், அவரது மகன் எம். சூர்யா தலைமையில் இரண்டு நாட்களுக்கு முன் நடைபெற்றது.

மரணத்திற்குப் பின் ஹிந்து சமயத்தில் மரணநாள் நட்சத்திரத்தை ஒட்டி தவசம் (திதி வழிபாடு) நடத்துவது வழக்கம். இதனை முன்னிட்டு, சூர்யா தனது தாயின் நினைவாக அந்த இடத்தில் அன்னதானம் வழங்கினார்.

உள்ளூர் குடியிருப்பாளர்களுக்கு இலவச உணவு மற்றும் பானங்கள் பகிர்ந்தளிக்கப்பட்டது.
இந்த அன்னதானம், தாயின் ஆவி அமைதியாக இருக்க வேண்டும் என்ற பிரார்த்தனையுடன் மேற்கொள்ளப்பட்டது.
நிகழ்வில் கலந்து கொண்ட பொதுமக்கள், சூர்யாவின் இந்தச் செயலை மனதைத் தொடும் அன்பும் பக்தியும் நிறைந்த செயல் எனக் குறிப்பிடினர்.

விஜயலட்சுமி அவர்கள், கடந்த ஆண்டு ஜாலான் மச்ஜித் இந்தியாவில் ஏற்பட்ட சிங்க் ஹோல் விபத்தில் காணாமல் போனவர்களில் ஒருவராக இருந்தார். அந்தச் சம்பவம் சமூகத்தில் பெரும் சோகத்தை ஏற்படுத்தியது.இந்த தவசமும் அன்னதானமும், ஒரு தாயின் நினைவாக மகன் காட்டிய பக்தி, அன்பு மற்றும் சமூகப்பணி என சமூகத்தால் பாராட்டப்பட்டது.

#newstraitstimes