இப்போ, பேராக் | ஏப்ரல் 3, 2026
மலேசிய பராசிடாலஜி மற்றும் வெப்பமண்டல மருத்துவ சங்கத்தின் (MSPTM) 62வது ஆண்டு அறிவியல் மாநாடு (MSPTM 2026) இரு நாட்கள் நடைபெற்ற நிகழ்ச்சிகளுடன் வெற்றிகரமாக நிறைவடைந்தது. இம்மாநாடு மார்ச் 30 மற்றும் 31 தேதிகளில் பேராக் மாநிலத்தின் இபோ நகரில் நடைபெற்றது.
இந்த மாநாட்டில் மலேசியா மட்டுமின்றி உலகின் பல்வேறு நாடுகளிலிருந்து 300க்கும் மேற்பட்ட ஆராய்ச்சியாளர்கள், மருத்துவ நிபுணர்கள் மற்றும் கல்வியாளர்கள் கலந்து கொண்டனர். தொற்றுநோய்களுக்கு எதிரான போராட்டத்தில் அறிவியல் அறிவை பகிர்ந்து கொள்ளவும், புதிய ஆராய்ச்சி கண்டுபிடிப்புகளை முன்வைக்கவும், ஒத்துழைப்புகளை வலுப்படுத்தவும் இந்த மாநாடு முக்கிய மேடையாக அமைந்தது.
“அறிவியல் மற்றும் சமூகத்தை இணைப்போம்: தொற்றுநோய்களுக்கு எதிரான சமூக அடிப்படையிலான ஆராய்ச்சி” என்ற தலைப்பில் நடைபெற்ற இம்மாநாடு, ஆய்வுகளை சமூகத்திற்கு கொண்டு செல்லும் அவசியத்தை வலியுறுத்தியது. இது சமூகத்தில் சுகாதார விழிப்புணர்வை உயர்த்துவதற்கும், நோய் எதிர்ப்பு திறன் கொண்ட சமூகத்தை உருவாக்குவதற்கும் வழிகாட்டுகிறது.
மாநாட்டின் போது முக்கிய உரைகள், பிரதான அமர்வுகள், ஆராய்ச்சி கட்டுரைகள் வழங்கல் மற்றும் சமூக சார்ந்த செயல்பாடுகள் இடம்பெற்றன. இவை அனைத்தும் மலேசியா பராசிடாலஜி மற்றும் வெப்பமண்டல மருத்துவ துறையில் பிராந்திய மற்றும் உலகளாவிய அளவில் முன்னணியில் வளர்ந்து வருவதை வெளிப்படுத்தின.
