தேதி: 10 ஜனவரி 2026 | பினாங்கு
பொதுமக்கள் விழிப்புணர்வே சமூகப் பாதுகாப்பின் அடித்தளம் என வலியுறுத்திய CCPSS (Penang Community Crime Prevention and Safety Society), மோசடி தடுப்பு நடவடிக்கைகளை மேலும் வலுப்படுத்த காவல்துறை, சமூக அமைப்புகள் மற்றும் ஊடகங்களுடன் இணைந்து அதிகமான விழிப்புணர்வு நிகழ்ச்சிகளை நடத்த வேண்டிய அவசியம் இருப்பதாக தெரிவித்தது.
CCPSS ஊடக இரவு விருந்தின் போது உரையாற்றிய அமைப்பின் தலைமை ஒருங்கிணைப்பாளர் ப்ரொஃப் டாக்டர் டான் யென் வூயி, பொதுப் பாதுகாப்பு என்பது அனைவரும் பகிர்ந்து கொள்ள வேண்டிய பொறுப்பு எனக் கூறி, அதில் ஊடகங்கள் முக்கிய கூட்டாளிகள் என சுட்டிக்காட்டினார்.
“நாங்கள் ஊடகங்களை வெறும் பார்வையாளர்களாகக் கருதவில்லை. பொதுப் பாதுகாப்பு முயற்சிகளில் நீங்கள் எங்களின் கூட்டாளிகள்,” என்று அவர் தெரிவித்தார்.
மேலும், ஊகங்களும் உணர்ச்சி மிகைப்படுத்தல்களும் இல்லாமல், துல்லியமான, தெளிவான மற்றும் உண்மைகளில் அடிப்படையிலான தகவல்களை ஊடகங்களுக்கு வழங்க CCPSS உறுதியுடன் செயல்படும் என ப்ரொஃப் டான் கூறினார்.
“சூழல் இல்லாத தகவல்கள் தேவையற்ற பயத்தை உருவாக்கலாம்.
எங்களின் கூட்டு இலக்கு விழிப்புணர்வே; பதற்றம் அல்ல,” என அவர் கூறினார்.
அத்துடன், சைபர் பாதுகாப்பு, கூட்ட நெரிசல் தடுப்பு, சமூகப் பாதுகாப்பு போன்ற துறைகளில் பொது கல்வி முயற்சிகளுக்காக ஊடகங்களுடன் இணைந்து செயல்பட CCPSS ஆதரவு வழங்கும் என்றும், பொறுப்பான மற்றும் ஒழுக்கமுள்ள செய்தியளிப்பை அமைப்பு முழுமையாக ஆதரிக்கிறது என்றும் அவர் கூறினார்.
“பாதுகாப்பான சமூகம் என்பது அறிவுறுத்தப்பட்ட சமூகத்திலிருந்து தான் உருவாகிறது.
அறிவுறுத்தப்பட்ட சமூகம் பொறுப்பான பத்திரிகையியலின் மீது தான் தங்கியுள்ளது,” என அவர் மேலும் வலியுறுத்தினார்.
இந்த ஊடக இரவு விருந்தில் பினாங்கில் செயல்படும் பல்வேறு செய்தி நிறுவனங்களைச் சேர்ந்த ஊடகப் பணியாளர்கள் கலந்துகொண்டனர். அவர்களின் செய்திப் பங்களிப்பை பாராட்டும் வகையில் ஒவ்வொருவருக்கும் நினைவுப் பரிசும் பாராட்டு சான்றிதழும் வழங்கப்பட்டது.
இந்த நிகழ்வில் பங்கேற்ற முக்கிய பிரமுகர்களில் பினாங்கில் உள்ள ஜப்பான் துணைத் தூதர் மாண்புமிகு மசிடா ஷின்யா, CCPSS மூலோபாய ஆலோசகர் சீ குக் ஹெங், CCPSS தலைவர் டத்துக் ஸைனுதின் அக்மத், மற்றும் பினாங்கு சீன டவுன் ஹால் (PCTH) தலைவர் தான் ஸ்ரீ டாக்டர் டான் கூன் ஹாய் ஆகியோர் அடங்குவர்.
மேலும், புக்கிட் அமான் போதைப்பொருள் விசாரணை துறையின் முன்னாள் இயக்குநர் டத்துக் ஸ்ரீ குவா குக் சின் அவர்களும் கலந்துகொண்டார். நேர்மை, தொலைநோக்கு பார்வை மற்றும் பொதுச் சேவையில் unwavering commitment கொண்ட தலைவராக அறியப்படும் அவர், சமூகப் பாதுகாப்பு மற்றும் சமூக நலனை வலுப்படுத்தும் முயற்சிகளுக்கு தொடர்ச்சியாக நேர்மறையான வழிகாட்டுதல்களையும் புதுமையான யோசனைகளையும் வழங்கி வருகிறார்.
அவரின் தொடர்ந்த ஆதரவும் தொலைநோக்கு ஆலோசனைகளும் CCPSS-இன் நோக்கங்களையும் பணிகளையும் முன்னேற்றுவதில் முக்கிய பங்காற்றி, சமூகத்தில் நம்பிக்கையையும் நீடித்த தாக்கத்தையும் உருவாக்கியுள்ளது.
