கோலாலம்பூர், நவம்பர் 22 –
இந்த வருடத்தின் மிகப்பெரிய தென் ஆசிய பொழுதுபோக்கு நிகழ்வுகளில் ஒன்றை மலேசியா நடத்தத் தயாராகிறது. பிரபல தென் இந்திய நடிகர்–அரசியல்வாதியான விஜய் தனது புதிய படம் ‘ஜன நாயகன்’ ஆடியோ வெளியீட்டில் கலந்துகொள்ள டிசம்பர் 27 அன்று புக்கிட் ஜாலில் தேசிய ஸ்டேடியத்தில் (Bukit Jalil National Stadium) வர இருப்பது இதற்கு காரணம்.
( Malik Streams Corporation) மாலிக் ஸ்ட்ரீம்ஸ் நிறுவனம் ஏற்பாடு செய்யும் இந்த மிகப்பெரும் விழாவில் 85,000-க்கும் மேற்பட்ட பார்வையாளர்கள் பங்கேற்பர் என எதிர்பார்க்கப்படுகிறது. இந்தியாவுக்கு வெளியே விஜய் ரசிகர்கள் கூடும் மிகப்பெரிய நிகழ்வாக இது அமையும்.
10 மணித்தியாலங்கள் நடைபெறும் ‘தளபதி திருவிழா’வில் 30 பாடகர்கள், இசையமைப்பாளர் அனிருத் ரவிச்சந்தரின் நேரலை நிகழ்ச்சி, இந்தியா மற்றும் மலேசியாவின் முன்னணி கலைஞர்களின் தோற்றங்கள், மேலும் விஜய் நடித்த திரைப்படங்களிலிருந்து 40-க்கும் மேற்பட்ட பாடல்கள், அதில் அவரது 69வது படம் ‘ஜன நாயகன்’ படத்தின் பாடல்களும் இடம்பெறும்.
மலேசியாவை இந்த நிகழ்ச்சிக்கான விருந்திடமாக உறுதி செய்ய விஜயை நேரில் சந்தித்ததாக மாலிக் ஸ்ட்ரீம்ஸ் நிறுவனம் தலைமை நிர்வாக அதிகாரி டத்துக் அப்துல் மாலிக் தஸ்திகீர் கூறினார்.
“இந்தியாவுக்கு வெளியே விஜய்க்கான மிகப்பெரிய ரசிகர் அடிப்படை மலேசியாவுதான். அதனால், அவரை வரவேற்க மலேசியா தயாராக இருக்கிறது. இது சுற்றுலாவுக்கும் பொருளாதாரத்திற்கும் பெரிய பலன்களை தரும்,” என்று அவர் தெரிவித்தார்.
ஆரம்ப திட்டம் துபாயில் ஆடியோ வெளியீட்டை நடத்துவதாக இருந்தாலும், அதை மலேசியாவில் நடத்த வேண்டிய காரணத்தை தானே விஜய் குழுவிற்கு விளக்கி சம்மதிக்க வைத்ததாக அவர் கூறினார்.
