சைபர்ஜெயாவில் அடுக்குமாடி குடியிருப்பில் இருந்து விழுந்ததில் 17 வயது பல்கலைக்கழக மாணவர் பலி
சைபர்ஜெயா: 03.10.2025
சைபர்ஜெயாவில் உள்ள அடுக்குமாடி குடியிருப்பு ஒன்றில் இருந்து விழுந்ததில், 17 வயதுடைய பல்கலைக்கழக மாணவர் ஒருவர் நேற்று உயிரிழந்துள்ளார்.
இந்தச் சம்பவம் குறித்து நேற்று மாலை 3.18 மணியளவில் MERS 999 அவசர அழைப்பு மூலம் தகவல் கிடைத்ததாகச் செப்பாங் மாவட்ட பொலிஸ் தலைவர், உதவி ஆணையர் நார்ஹிசாம் பஹாமன் தெரிவித்தார். தகவல் கிடைத்ததை அடுத்து, சம்பவ இடத்திற்கு விரைந்த பொலிஸ் குழு, கட்டிடத்தின் 8-வது தளத்தில் இரத்த வெள்ளத்தில் கிடந்த அந்த இளைஞரைக் கண்டனர்.
உயிரிழந்தவர் அவர் வசித்து வந்த அடுக்குமாடிக் குடியிருப்பின் மேல் தளத்தில் இருந்து கீழே விழுந்ததாகப் பொலிஸார் நம்புகின்றனர். சம்பவ இடத்திலேயே மருத்துவ பணியாளர்களால் அந்த மாணவர் உயிரிழந்ததாக அறிவிக்கப்பட்டார்.
செப்பாங் குற்றப் புலனாய்வுத் துறையின் ஆரம்ப கட்ட விசாரணையில் எந்தவிதமான சந்தேகத்திற்குரிய குற்றமும் (foul play) நடந்ததற்கான ஆதாரம் எதுவும் கிடைக்கவில்லை. இதன் காரணமாக, இச்சம்பவம் திடீர் மரணம் (Sudden Death) என வகைப்படுத்தப்பட்டு, சடலம் உடற்கூறு ஆய்வுக்காக சைபர்ஜெயா மருத்துவமனையின் தடயவியல் துறைக்கு அனுப்பி வைக்கப்பட்டுள்ளது.
இந்தச் சம்பவம் குறித்து பொதுமக்கள் எந்தவிதமான ஊகங்களையும் பரப்ப வேண்டாம் என்றும், இது தொடர்பான மேலதிக தகவல் ஏதேனும் இருந்தால், செப்பாங் பொலிஸ் ஹாட்லைன் எண் 03-8777 4222 அல்லது அருகிலுள்ள பொலிஸ் நிலையத்தை உடனடியாகத் தொடர்புகொள்ளுமாறும் நார்ஹிசாம் பொதுமக்களைக் கேட்டுக்கொண்டார்.
